Olivia Munn ndau një përditësim për betejën e saj me kancerin e gjirit teksa falënderoi fansat e saj për mbështetjen e tyre.
Aktorja njoftoi në fillim të këtij viti se kishte luftuar fshehurazi me kancerin e gjirit. Ajo tha në atë kohë se kishte shpresuar të ndante historinë e saj për t'u ofruar të tjerëve "ngushëllim, frymëzim dhe mbështetje në udhëtimin e tyre". Olivia zbuloi se ajo u diagnostikua me kancer gjiri në prill 2023.
Në një përditësim të ri në Instagram, Munn ndau një video duke detajuar periudhën e vështirët pasi fansat kërkuan më shumë informacion.
"Kam shumë pyetje në lidhje me këtë dhe doja ta bëja këtë video, por unë kam qenë duke filmuar, duke përfunduar xhirimet, duke vrapuar pas një vogëlushi dhe duke filluar një mjekim të ri”.
“Faleminderit për durimin dhe mirëkuptimin”, u shpreh Olivia. "Nëse keni ndonjë pyetje në lidhje me trajtimin ose operacionet e mia, ju lutemi vendosni ato në komente."
Ajo shtoi: “Shpresoj që duke e bërë këtë të ndihmojë të tjerët që e kanë kaluar ose po e kalojnë atë, mund të ndihen pak të ngushëlluar duke e ditur se unë kam ndjekur të njëjtën rrugë dhe jam mirë”.
