Për shkak të Groenlandës, Toka u drodh për 9 ditë në shtator 2023. Një rrëshqitje e madhe dheu dhe akulli që ndodhi në një rajon të largët lindor ka shkaktuar një “cunami” i cili e ka bërë koren e tokës të vibrojë duke gjeneruar një sinjal misterioz sizmik të regjistruar në të gjithë botën.
Fillimisht ai u quajt si "objekt sizmik i paidentifikuar". Enigma u zgjidh nga një studim i botuar në revistën “Science” dhe i koordinuar me Shërbimin Gjeologjik të Danimarkës dhe Groenlandës. 68 studiues nga 40 institucione në 15 vende kontribuuan në projekt.
Sinjali sizmik u shfaq menjëherë, por krejtësisht i ndryshëm nga ai që lidhet me tërmetet, pasi përmbante një frekuencë të vetme vibrimi, si një tingull jashtëzakonisht monoton. "Kur u nisëm në këtë aventurë shkencore, askush nuk e kishte idenë më të vogël se çfarë e kishte shkaktuar sinjalin sizmik. Gjithçka që dinim ishte se, në një farë mënyre, mund të ishte një rrëshqitje e dheut” – tregon koordinatori i kërkimit Kristian Svennevig.
Bazuar në të dhënat e mbledhura, studiuesit vlerësuan se rrëshqitja e dheut bëri që afërsisht 25 milionë metra kub shkëmbinj dhe akull të shemben në një fjord më poshtë nga një lartësi prej 1.2 kilometrash, e mjaftueshme për të mbushur 10 kilometra mijëra pishina olimpike. Rrëshqitja e tokës u krijua nga rrallimi i akullnajës në rrëzë të malit për shkak të ndryshimeve klimatike. Rënia e shkëmbinjve dhe akullit gjeneroi një valë deri në 110 metra të lartë dhe spërkatje uji deri në 200 metra të lartë.
Autorët e studimit arritën të vërtetojnë se ishte kjo valë, e cila vazhdonte të udhëtonte para dhe mbrapa çdo 90 sekonda në hapësirën e fjordit, rreth 10 kilometra të gjatë, që shkaktoi dridhjet në koren e tokës, të cilat vazhduan më pas për 9 ditë.
"Kjo është hera e parë që lëvizja e ujit është regjistruar në formën e dridhjeve në koren e Tokës që udhëtoi gjatë gjithë rrugës dhe mbeti aktive për disa ditë" - vëren Stephen Hicks nga University College London, një nga autorët e studimit. ©LAPSI.al
