Nga ballkoni i banesës, kreu i PD-së Sali Berisha bëri akuza të forta ndaj kryeministrit Edi Rama. Sipas Berishës, në QSUT u hiqet data e skadencës ilaçeve dhe u jepen fëmijëve.
“A e di ti Edi Rama që moshatarët e këtyre vogëlushëve në spitalet tona nuk kanë mjekim, nuk kanë ilaçe? A e di ti se ish-kunata jote u heq etiketat ilaçeve të skaduara për t’ua dhënë fëmijëve?” – tha Berisha.
Berisha kërkoi që punonjësve të sigurisë në shkolla duhet t’u bëhet testi i drogës.
“Ndaj dhe miqtë e mi, a e dini ju çfarë bëri (Rama) sot? Një fjalë tërkuzë për oficerët e shkollave. Të gjithë me testin e drogës, asnjë në shkollë, asnjë polic pa testin e drogës.
Ju prindër, mësues, mos pranoni këmbë njeriu me uniformë pa i bërë testin e drogës. Të sjellë testin e drogës, pastaj pranojeni se ai është shpërndarës i rrezikshëm i drogës së qeveritarëve, i drogës së zyrtarëve më të lartë.
E kupton apo jo, kur ti bën ministra trafikantë droge, çfarë bëjnë oficerët në shkolla, na thuaj pak? Ndaj dhe thirrja ime për të gjithë mësueset dhe mësuesit, për të gjithë prindërit, nxënësit dhe nxënëset, të ngrihemi se nuk meritojmë kurrë një arsim të tillë” – tha Berisha. ©LAPSI.al
