Deputeti i Partisë Socialiste Pandeli Majko në hyrje të parlamentit u ndalua për t’u marrë në pyetje nga gazetarët. Deputeti nuk reagoi aspak mirë në momentin kur u pyet nëse ndihej i rrezikuar për të kandiduar në listë të hapur në qarkun e Kukësit.
Sapo dëgjoi pyetjen Majko reagoi ashpër ndaj gazetarëve duke shtyrë mikrofonat me forcë. Pas kësaj deputeti nxitoi të largohej dhe të futej në parlament.
Pandeli Majko ka reflektuar pas incidentit. Ai mori fjalën ne kuvend për të kërkuar falje, ndërsa theksoi se ndjese në veçanti i kërkoi gazetares që ishte shtatzënë.
"Dëshiroj të shpjegoj se e vlerësova që të kërkoj një ndjesë karshi gazetarëve për shtyrjen e mikrofonave sot në mëngjes. Ndjesën më të veçante ja kërkoj gazetares që ka qenë shtatzënë", tha ai.
