Kryetari i Partisë Demokratike, Sali Berisha është thirrur sot për t’u paraqitur në orën 12:00, në ambientet e Prokurorisë së Posaçme, për t'u njohur zyrtarisht me akuzat ndaj tij për dosjen “Partizani”.
Në të njëjtën orë, sekretari i përgjithshëm Flamur Noka, si dhe kreu i Grupit Parlamentar të PD-së, Gazment Bardhi do të mobilizojnë deputetët e opozitës që të mblidhen në protestë para godinës së SPAK-ut.
Deri më tani, Berisha ka qëndruar në 'arrest shtëpie' prej dhjetori 2023, pasi hetohej për korrupsion pasiv në lidhje me privatizimin e ish-kompleksi sportit “Partizani”. Dhëndri i tij Jamarbër Malltezi akuzohet për korrupsion pasiv dhe pastrim parash dhe është gjithashtu në arrest shtëpiak.
