Një ngjarje aksidentale ka ndodhur në Shkodër. Pasi një automjet zjarrfikës ka dalë nga rruga, raportohet se kanë mbetur të plagosur dy punonjës të këtij shërbimi. Më poshtë njoftimi i policisë.
Shkodër/Informacion paraprak
Rreth orës 18:20, në fshatin “Vukatanë”, shtetasi K. M., 30 vjeç, duke drejtuar automjetin zjarrfikës, dyshohet se ka humbur kontrollin mbi drejtimin e automjetit dhe automjeti ka dalë nga rruga. Si pasojë janë dëmtuar lehtë, jashtë rrezikut për jetën shtetasit K. M. dhe R. K., ( punonjës të shërbimit zjarrëfikës). Grupi hetimor po punon për sqarimin e rrethanave dhe shkakut të daljes nga rruga.
