Sabrina Carpenter dhe Barry Keoghan i kanë dhënë fund lidhjes së tyre - por është e paqartë nëse kjo është vetëm për tani apo përgjithmonë.
Këngëtarja 25-vjeçare e "Espresso" dhe aktori 31-vjeçar i "Saltburn" janë "ndarë përfundimisht" pas "zënkave" së fundmi", tha një burim për Entertainment Tonight.
Megjithatë, ata thonë se dera mbetet e hapur për pajtim, me një burim që i tha gazetës "ka një shans që ata të kthehen së bashku".
Për pjesën më të madhe të vitit, dyshja kanë bërë bujë pasi aktori irlandez mbështeti performancat e Carpenter në shfaqjet ndërkombëtare të Taylor Swift Eras Tour dhe ata pozuan së bashku në Met Gala në maj.
Në qershor, Keoghan luajti si personazhi i dashurisë në videoklipin muzikor për këngën e Carpenter "Please Please Please", të cilin ai gjithashtu besohet se e ka frymëzuar, duke pasur parasysh tekstin: "Kam dëgjuar që je një aktor.”
E pyetur nga Rolling Stone në një intervistë të botuar atë muaj nëse Keoghan ishte me të vërtetë i dashuri i saj, Sabrina u shpreh: "Si t'i përgjigjem kësaj pyetjeje?"
Megjithëse nuk ndau detaje, ajo e pranoi interesin e publikut për jetën e saj të dashurisë.
“Natyrisht, unë shkruaj këngë pikërisht për atë se si ndihem, kështu që mendoj se nuk mund të habitem aq shumë që njerëzit janë të interesuar se për kë dhe për çfarë kanë të bëjnë ato këngë,” tha ajo.
