Vdekjet nga i nxehti në Europë mund të trefishohen deri në fund të shekullit, thotë një studim i fundit. Një studim i publikuar në revistën “Lancet Public Health”, ka gjetur se numri i vdekjeve mund të rritet sidomos te njerëzit e moshuar dhe më të cenueshëm ndaj temperaturave të rrezikshme.
Nëse në botë temperaturët rriten me 3 ose 4 Celsius, studiuesit kanë thënë se shtimi në numrin e vdekjeve nga i nxehti do ta tejkalojë atë nga i ftohti. Studiuesit kanë theksuar se rezultatet sugjerojnë se ndryshimet klimatike mund të paraqesin “sfida të paprecedentë” për sistemet publike shëndetësore, veçanërisht gjatë valëve të të nxehtit, raportoi The Guardian.
