Policia ka nisur procedim penal ndaj një 34-vjeçari i cili dyshohet se i ka vënë zjarrin pyllit në fshatit Çërrilë. Ndërkohë forcat e Policisë dhe zjarrfikëses vijojnë punën për shuarjen e vatrave të zjarrit.
Njoftimi i policisë:
Dyshohet se ndezi zjarr në pyllin e fshatit Çërrilë, Mallakastër, procedohet penalisht 34 vjeçari.
Pas njoftimit të ardhur në sallën e komandimit në Komisariatin e Policisë Mallakastër se në pyllin e fshatit Çërrilë, ka rënë zjarr, menjëherë shërbimet e Policisë dhe zjarrfikëses kanë shkuar në vend ngjarje ku kanë konstatuar një sipërfaqe toke duke u djegur.
Si pasojë e erës zjarri është përhapur në pyllin e fshatit Çërrilë, duke djegur pemë dhe ullishte dhe ndërhyrja e forcave të Policisë dhe zjarrfikëses vijon punën për shuarjen e vatrave të zjarrit.
Nga veprimet hetimore shërbimet e Komisariatit të Policisë Mallakastër, nën drejtimin e Prokurorisë, kanë shoqëruar dhe proceduar penalisht shtetasin S. L., 34 vjeç, banues në fshatin Selitë, Mallakastër pasi dyshohet të jetë autori i vënies së zjarrit.
Po punohet për shuarjen e vatrave të mbetura të zjarrit. Materialet procedurale i kaluan Prokurorisë për veprime të mëtejshme.
