Tre vëllezër janë arrestuar nga blutë e Durrësit pasi janë konfliktuar me njëri tjetrin në oborrin e banesave të tyre. Vëllezërit janë grindur mes tyre me armë të ftohta dhe sende të forta, pas një grindjeje me motive të dobëta.
Ngjarja ndodhi në zonën e Hamallajt. Ishte një grindje fillestare mes familjeve që i ndan vetëm gardhi ajo që solli konflikti. 53-vjeçari Andrea Përkeqi ka shpuar me thikë gomat e dy mjeteve dhe më tej sulmoi dy vëllezërit e tjerë. Gjatë konfliktit janë përdorur sende të forta dhe thikë, ku si pasojë ka mbetur i dëmtuar në dorë Ylli Përkeqi, jashtë rrezikut për jetën.
Gjatë kontrollit të ushtruar në banesën e shtetasit Andrea Përkeqi, policia gjeti dhe sekuestroi dy armë zjarri pistoleta, katër karikatorë për pistoletat, një silenciator të pamontuar dhe fishekë luftarakë. Gjithashtu, u sekuestrua dhe mjeti prerës (thikë) i përdorur gjatë konfliktit. Materialet procedurale i kaluan Prokurorisë për veprime të mëtejshme.
