Vendi ynë pritet të ndikohet nga kushte atmosferike të qëndrueshme, si rezultat i aktivitetit të masave ajrore të nxehta me origjinë nga anticikloni i Azoreve si dhe veriu i Afrikës.
Sipas Shërbimit Meteorologjik Ushtarak, moti pritet të jetë i kthjellët e orë të plota me diell pa përjashtuar vranësirat deri mesatare nga orët e mesditës e pasdite në relievet kodrinore - malore kryesisht në lindje e juglindje të territorit.
Era do të fryjë me drejtim veriperëndim me shpejtësi 1-6m/s, ndërsa përgjatë vijës bregdetare, lugina e male era fiton shpejtësi 8-10m/sek, shoqëruar me dallëzim të forcës 1-2 ballë. Temperaturat do të varjojnë nga 16 gradë Celcius minimalja në 39 gradë maksimalja e shënuar në Elbasan.
