Pasi fitoi zgjedhjet në bashkinë e Himarës, Vangjel Tavo i PS-së ka reaguar për mediat. Gjatë fjalës së tij kryebashkiaku i ri ka thënë se do të nisi menjëherë nga puna. Ndër të tjera Tavo i ka bërë një propozim rivalit të tij në garë.
Ai i rikujtoi propozimin kandidatit të opozitës së koalicionit ‘Bashkë Fitojmë’, Petro Gjikurisë, që mori 41.17% të votave se është i mirëpritur si nënkryetar i bashkisë.
“Fillojmë nga puna, të gjithë për Himarën e bashkuar pa probleme dhe të qetë. Festë nuk ka, do vazhdojmë nga puna. Prioritet do të jetë turizmi, oferta ka qenë e sinqertë. Gjikuria i mirëpritur për nënkryetar”, tha Tavo.
