Angelina Jolie po akuzon Brad Pitt se po përpiqet ta heshtë.
Në dokumentet gjyqësore të depozituara më 25 korrik, avokatët e aktores s; "Maleficent" pretendojnë se Pitt, po përpiqet të bëjë që Jolie të nënshkruajë një marrëveshje moszbulimi, raporton People. Marrëveshja do të mbulonte akuzat për abuzim nga Pitt.
Çifti, i cili ishte i martuar nga viti 2014 deri në vitin 2019 dhe ka gjashtë fëmijë, janë grindur për kantinë e tyre franceze, Château Miraval, në pronësi të tyre. Në vitin 2022, aktori paditi ish-in e tij për shitjen e aksioneve të saj, duke pretenduar se ajo kishte shkelur një marrëveshje që asnjëri nuk mund ta shiste nëse tjetri nuk e miratonte.
Në dokumentet më të fundit të gjykatës, avokatët e Jolie pretendojnë se Jolie "nuk po vepronte me keqdashje dhe me qëllim për të lënduar Pitt nkur ajo shiti pjesën e saj të Miraval në 2021.
“Në vend të kësaj, ishte ai që refuzoi të blinte pjesën e saj nëse aktorja nuk nënshkruante një marrëveshje prej 8.5 milionë dollarësh, që e detyron atë të heshtë për abuzimet e aktorit,” thonë avokatet e Jolie.
Çifti u nda papritmas në shtator 2016 pasi gjatë udhëtimit me avion nga Franca në Los Anxhelos Pitt dyshohet se abuzoi fizikisht me Jolie dhe disa nga gjashtë fëmijët e tyre. Kohët e fundit, Angelina pretendoi në dokumentet e gjykatës se abuzimi "filloi shumë përpara" udhëtimit famëkeq me avion, por gjithmonë ishte i drejtuar vetëm ndaj aktores./Lapsi.al
