Një 46-vjeçar është kapur mat duke vjedhur relike në varrezat në Gramsh. Policia bënë me dije se në pranga ra shtetasi me inicialet S.S., banues në Cërrik.
“Komisariati i Policisë Cërrik arrestoi në flagrancë shtetasin S. S., 46 vjeç, banues në Cërrik, pasi u kap në flagrancë brenda rrethimit të varrezave, me një çantë me disa materiale relike që dyshohet se kanë qenë të vendosura nëpër varre.”, sqaron policia.
Ndërsa një tjetër ngjarje e rëndë ka ndodhur në Gramsh. Një 36-vjeçar është arrestuar pasi akuzohet se ka ushtruar dhunë ndaj motrës së tij dhe dyshohet se ka abuzuar seksualisht me të.
“Komisariati i Policisë Gramsh arrestoi në flagrancë shtetasin E. S., 36 vjeç, banues në Gramsh, pasi ka ushtruar dhunë ndaj motrës së tij dhe dyshohet se ka abuzuar seksualisht me të.”, njofton policia.
