Deputeti opozitar Dashamir Shehi ka dalë kundër marrëveshjes PS-PD për ndryshimet në Kodin Zgjedhor, ku kryetarët e partive do të kenë mundësi të “çimnetojnë” pjesën më të madhe të kandidatëve fitues.
Shehi tha se nuk do e votojë këtë ligj, teksa akuzoi kolegët opozitarë se po votojnë një listë gjynahqarësh, ndërsa sfidoi deputetët që ta sabotojnë këtë ligj nëse janë trima.
Për Shehin, këto ndryshime janë sajesa nga dy njerëz për të ruajtur pushtetin.
“Vetëm në Shqipëri ekziston ky ligj barbar që ti nuk i lejon njerëzit të votojnë. E dyta i ke hequr qytetarëve të drejtën për të zgjedhur. Edhe kjo nuk ndodh në asnjë vend të botës. E treta po me ligj, votat i numëron ti të atyre që janë rivalët e tu dy partitë e mëdha, nuk ka në asnjë vend të botës. Kjo është një sajese e ndërtuar nga dy njerëz për të ruajtur pushtetin. Ky që e ka marrë nuk ka ndërmend ta lëshoje.
Unë i drejtohem opozitarëve. Këta janë në pushtet dhe mbrojnë interesat e veta, po ju ca mbroni? Një sistem që projektin fitoren pala tjetër dhe ju e votoni me duart tuaja. Për një listë gjynahqarësh që do presin tek lista e kryetarit, për këtë e bëni? Çfarë vlerë ka për ne si opozitarë kjo? Ky vendi ynë gjoja quhet vendi i shqiponjave, kot fare se nuk ka ndonjë lidhje. Ky është vendi i kanarinave, kanarinat i zgjedhin në kafaz, hapni dhe derën nuk fluturojnë se në kafaz është ngrohtë. Pi ujë ha dhe fara.
Kush e mban veten për trim, mos bëjë trimëri të kota, por ta sabotojë këtë ligj. Ata e votojnë si të duan se janë në avantazh, turpi është i joni që votojmë një ligj që të humbim me dorën tonë për të shpëtuar ca burokratë partie ndoshta edhe disa interesaxhi. Unë nuk e votoj këtë ligj”, tha Shehi.
Lexo më tej: Pakt i ri Rama-Berisha për lista pothuajse të mbyllura
