Të shtëna me armë zjarri janë dëgjuar mbrëmjen e sotme në zonën e Thumanës, teksa raportohet se për pasojë dy persona kanë mbetur të plagosur.
Mësohet se të dy të plagosurit, të cilët janë edhe fqinj kanë qëlluar drejt njëri-tjetrit, ndërsa janë jashtë rrezikut për jetën.
Dyshohet se mes tyre ka një konflikt pronësie, i cili ka përshkallëzuar deri në përdorimin e armëve.
Një punonjës policie, i identifikuar si Sahit Ahmeti Sela, me armën e shërbimit pas një sherri ka qëlluar në drejtim të disa personave, ku ka mbetur i plagosur Adrian Sela.
Sipas informacioneve paraprake, mësohet se i plagosur ka mbetur dhe efektivi Sahit Ahmeti Sela.
Ngjarja raportohet se ka ndodhur gjatë një konflikti për motive pronësie, ndërkohë, të plagosurit thuhet se ndodhet jashtë rrezikut për jetën.
