Një 20-vjeçar është arrestuar të hënën, pasi akuzohet se është përfshirë në një skemë mashtrimi me objektiv sistemin arsimor në të gjithë vendin. Ndaj të riut është vendosur masat e sigurisë ‘arrest në burg’ nga Gjykata e Juridiksionit të Përgjithshëm Tiranë, për veprat penale ‘falsifikim kompjuterik’ dhe ‘falsifikim i dokumenteve’.
Pas një hetimi gjashtëmujor, nga një grup hetimor i posaçëm është zbuluar një skemë mashtrimi e organizuar nga shtetasi tashmë i arrestuar 20-vjeçar, i cili mashtronte institucionet arsimore, me projektet e ashtuquajtura “Let’s Talk Together about US 23” and “Let’s Talk Together about US 24”.
Programet iu premtonin nxënësve dhe mësuesve, udhëtime falas në Shtetet e Bashkuara. I arrestuari kishte krijuar një identitet të rremë, duke u angazhuar me zyrtarë të Ministrisë së Arsimit dhe të institucioneve të tjera arsimore në të gjithë Shqipërinë. Qindra studentë, mësues dhe zyrtarë arsimorë në të gjithë Shqipërinë morën pjesë në këto programe mashtruese.
