Një zjarr ka përfshirë pyllin me pisha në fshatin Mbolan në Sinjë të Lezhës.
Drejt vendit të ngjarjes janë nisur grupet e shërbimit zjarrëfikës, që po punojnë me mjete rrethanore dhe pompa uji shpine, për shkak të mungesës së rrugës, raporton për Balkanweb gazetarja Eneida Petova.
Deri tani është djegur një sipërfaqe rreth 500 m2 me shkurre e ferra dhe 150 balla jonxhe.
Ndërkohë që zjarri raportohet se është lokalizuar, ende ka vatra aktive. Zjarrëfikësit po punojnë për eleminimin e plotë të vatrës së zjarrit, që mund të rianktivizohet për shkak të erës dhe temperaturave të larta.
