Gjykata e Posaçme ka shtyrë sërish seancën për dosjen 'Gërdeci', ndërsa shkak është bërë mungesa e një prej ekspertëve. Ish-ministri Mediu nuk është paraqitur në sallë, ndërsa të pranishëm janë avokati mbrojtës Ardian Visha dhe avokati tjetër Henrik Ligori.
Gjykata relaton që në sekretarinë e gjykatës janë paraqitur pyetjet me shkrim për ekspertët, në total 113 pyetje, ndërkohë në seance nuk është paraqitur një nga ekspertet, Ymer Stafa, i cili ka njoftuar se nuk mund të jetë i pranishëm për arsye shëndetësore. Seanca e radhës do të mbahet më 31 Korrik ora 09:00.
