Fillimisht për pagesën në rrugën Thumanë-Kashar u njoftua se pagesa do të jetë 2.1 euro, por këtë të hënë kur janë vendosur sportelet e pagesës është njoftuar se shuma për t'u paguar është 2.7 euro, ose 270 lekë. Mëngjesin e sotëm u raportua për radhë kilometrike në autostradën Thumanë-Kashar pasi sportelet e konçesionarit ishin vetëm dy.
Pasi radha ka shkuar në 10 kilometra, sportelet janë hequr me qëllim lehtësimin e trafikut.
Projekti ka një kosto të parashikuar ndërtimi prej 225.8 milionë eurosh për 21 km. Në fund të 35 viteve është parashikuar që koncesionari të përfitojë rreth 1.3 miliardë euro pa TVSH. Gjithashtu në kontratën e bërë publike shteti vendos edhe 22.8 milion euro garanci për 8 vite nëse privati nuk mbledh të ardhurat e planifikuara.
