Pas problemeve në ditën e parë të vendosjes së pagesës në autostradën Thumanë – Kashar dhe reagimeve ne rrjtete sociale mbi pagesën ka reaguar Ministria e Infrastrukturës dhe Energjisë. Ajo thotë se sistemi i pagesës do të nisë zyrtarisht në ditët në vazhdim, por publiku do të njoftohet paraprakisht për datën dhe orarin e fillimit të pagesës. Për vendosjen e pagesës këtë të hënë nuk pati asnjë njoftim paraprak.
Ministria e Infrastrukturës thotë se deri në nisjen e këtij procesi, kompania do të kryejë në segmente të ndryshme kohore, testime të kufizuara të sistemit të pagesës, për të kolauduar sistemin dhe aftësinë përpunuese të stafit dhe se lidhur me orarin e këtyre testimeve publiku do të njoftohet 24 orë më përpara.
Këtë të hënë qytetarët paguan nga 2.7 euro për kalimin. Ministria thotë se pagesa do të jetë 2.1 euro pa TVSH ose ekuivalenca e saj në lekë sipas kursit zyrtar të këmbimit të Bankës së Shqipërisë, në datën e fillimit të operimit të sistemit të pagesës. Pra, diferencën sipas ministrisë e ka bërë shtesa e TVSH-së. ©LAPSI.al
LEXO EDHE: Pagesa te Thumanë-Kashar do të jetë 270 lekë për një kalim
