Kreu i Grupit Parlamentar të PD-së, Gazment Bardhi, ka reaguar pasi u publikua shkresa e Kuvendit drejtuar Gjykatës Kushtetuese lidhur me mandatin e Olta Xhaçkës.
"Mazhoranca socialiste i kërkon Gjykatës Kushtetuese të marrë një opinion këshillimor nga Komisioni i Venecias se si duhet gjyqtarët kushtetues ta lexojnë vendimin e tyre nr. 1/2023 për mandatin e deputetes strategjike Olta Xhaçka. Kërkesa përveçse e paligjshme, është qesharake deri në absdurditet! Gjykata Kushtetuese ka përfunduar shqyrtimin e çështjes dhe sa më parë duhet të rivendosë autoritetin për mbrojtjen e Kushtetutës dhe shtetit ligjor. Asnjë vonesë e mëtejshme nuk mund të tolerohet dhe do të ishte fundi i kushtetutshmërisë në vend!", shprehet Bardhi.
Kuvendi kërkon ta zvarrisë cështjen duke kërkuar të fitojë kohë për gjoja opinionin e Komisionit të Venecias. -
