18-vjeçari, i cili përplasi për vdekje 8-vjeçaren sllovake ditën e djeshme në segmentin rrugor “Maminas-Gjiri i Lalzit” është arrestuar.
Pas aksidentit, 8-vjeçarja u dërgua në spital por nuk arriti që t’i mbijetojë plagëve të marra. Ndërsa i riu me iniciale G. Gj., banues në Tiranë, u arrestua në flagrancë, për veprën penale “Shkelja e rregullave të qarkullimit rrugor”.
“Sektori i Qarkullimit Rrugor arrestoi në flagrancë, për veprën penale “Shkelja e rregullave të qarkullimit rrugor”, shtetasin G. Gj., 18 vjeç, banues në Tiranë, pasi mbrëmjen e djeshme, në segmentin rrugor “Maminas – Gjiri i Lalzit”, duke drejtuar automjetin, ka aksidentuar shtetasen S. S., 8 vjeçe, banuese në Sllovaki, e cila humbi jetën në spital”, njoftoi policia.
