Kanë dalë para pak çastesh parashikimet e para të exit poll mbi raundin e dytë të zgjedhjeve të parakohshme parlamentare në Francë.
Ndryshe nga sa pritej, në vend të parë është renditur Fronti i Ri Popullor, një koalicion i partive të majta që parashikohet të parrë nga 175 në 205 vende në Asamblenë Kombëtare me 577 anëtarë.
Në vend të dytë është koalicioni i Presidentit Emmanuel Macron llogaritet të marrë nga 150 në 175 te vendeve në parlament.
Zhgënjen Bashkimi Kombëtar i ekstremit të djathtë të Marine Le Pen parashikohet të marrë 115 në 150 të mandateve.
Pjesëmarrja llogaritet diku te 67%.
Në Francë, 76 kandidatë siguruan vendet e tyre në parlament që në raundin e parë, duke përfshirë 39 nga Bashkimi Kombëtar dhe 32 nga aleanca e majtë, Fronti i Ri Popullor. 2 kandidatë nga lista e qendrës së Macron fituan gjithashtu vendet e tyre që në raundin e parë.
Racizmi dhe antisemitizmi kanë dëmtuar fushatën elektorale, së bashku me fushatat kibernetike ruse dhe më shumë se 50 kandidatë që raportuan se ishin sulmuar fizikisht, një zhvillim shumë i pazakontë për Francën. Qeveria kishte vendosur 30 mijë policë gjithandej vendit në ditën e votimeve. ©LAPSI.al
