Të premten kryeministri Edi Rama inauguroi me këngë e valle hapjen e tunelit të Llogarasë.
Në faqen e tij në Facebook nuk munguan foto dhe video të përgatitura me kujdes nga zyra e propagandës për këtë “ngjarje të madhe”.
Një ditë më pas Rama ka publikuar një foto “pa mendje” nga bregu i detit, ma koment, por duke vendosur emojit e dallgëve të detit dhe diellit.
Mes 1100 komenteve, 99.99% lavdërime dhe urime ka tërhequr vëmendje ai që ka lënë kreu i Partisë Demokristiane, Nard Ndoka.
“Shoku Edi, futi një inaugurim tunelit kur të kthehesh, Dhërmi - Orikum si hyrje nga Saranda. Shkurton rrugën Sarandë - Milot 17 minuta..!” - thumbon Ndoka. ©LAPSI.al
