Investimi në një banesë në kryeqytet po bëhet gjithnjë e më i pa sigurtë. Sepse Tirana është e tejmbushur me ndërtime dhe aktualisht ka një stok banesash bosh që do të kërkonin një periudhë tejet të gjatë për tu mbushur. Ky është përfundimi që ka nxjerrë gazetraja e ekonomisë Ola Xama, në emisionin "Të Paekspozuarit", duke u nisur tek të dhënat zyrtare të INSTAT, pas Censit 2023.
Xama shpjegoi se 14% e shtëpive në Tiranë janë bosh dhe se do të duheshin plot 45 vite, me ritmet aktuale të shtimit të popullsisë, që këto banesa të popullohen (sikur të mos ketë asnjë ndërtim të ri). Pra Tirana nuk ka nevojë për asnjë ndërtim, sepse ka një stok banesash që nuk pritet të ezaurohet për disa dekada.
Lexo me tej:
Pastrimi i parave/ Ekonomia Shqiptare e dominuar nga ndërtimi (shifrat sa dyfishi i BE)
Xama zbuloi gjithashtu se sipas INSTAT, kryeqyteti shtohet çdo vit vetëm me 3396 banorë dhe jo me 25,000, siç pretendon Erion Veliaj për të justifikuar fluksin e lejeve të ndërtimit që prodhojnë afërsisht mbi 7 mijë apartamente të reja çdo vit.
"Popullsia në qarkun e Tiranës, në vitin 2011 ka qenë 749 mijë, ndërsa në vitin 2023 kanë rezultuar 758 mijë banorë. Pra kryeqyteti është rritur me 9148 banorë, ose 762 banorë çdo vit.
Ndërsa brenda territorit të vogël të ish Bashkisë Tiranë, popullsia në vitin 2011 ka qenë 557 mijë, ndërsa në 2023, 598 mijë. Pra këtu ka pasur një rritje me 40 mijë banorë për dhjetë vite, ose 3396 në vit.
Shifrat / A po shembet piramida e ndërtimeve në Tiranë?
Po si shkon ky trendi i popullsisë me rritjen e ndërtimit dhe numrin e apartamenteve?
