Sali Berisha ka reaguar përmes rrjeteve sociale lidhur me 2 korrikun e 1990, kur mijëra qytetarë, kapërcyen muret që rrethonin ambasadat e vendeve perëndimore në Tiranë, duke i dhënë një goditje nën brez qytetarëve të Tiranës.
Berisha shkruan se mjerisht qytetarët e Tiranës dhe inteligjenca e saj ato ditë u gjetën në bisht të kohës. Sipas Berishës, ata nuk guxuan, nuk mbushën rrugët dhe sheshet e Tiranës.
"Por mjerisht qytetarët e Tiranës dhe inteligjenca e saj ato ditë u gjetën në bisht të kohës.
Ata nuk guxuan të mbështesin kryengritjen e guximtarve të kombit, nuk mbushën rrugët dhe sheshet e Tiranës për të përmbysur si në vendet tjera ish-komuniste diktaturën hoxhiste në Shqipëri.
Por pavarësisht nga kjo, Kryengritja paqesore e 2 korrikut 1990 goditi rëndë dhe bëri të pashpresë diktaturën komuniste në Tiranë. Ajo me jehonën e saj të jashtëzakonshme dëshmoi se Shqipëria socialiste nuk ishte dhe nuk do mbetej shkëmb graniti i socializmit në Europë, apo Kuba e Adriatikut dhe se diktatura në këtë vend kishte hyrë në agoninë e saj”, shkruan mes të tjerash Berisha.
Me ç'duket kompleksi i Berishës me Tiranën nuk shuhet me kalimin e viteve, thjesht vazhdon dhe reflekton sjelljen e tij me Tiranën. Me qytetarët e Tiranës që mitingjet ia mbushnin plot, që e mbështetën si anti-komunist deri në marrëzi, që besuan se do i ndihmonte për pronat e vjedhura, e ku në 13 vite si i parë i vendit me votat e Tiranës, Tiranën e la të fundit. ©Lapsi.al
