Një aksident i rëndë ka ndodhur ditën e sotme në minierën e Bulqizës. Mësohet se njëri prej minatorëve është plagosur rëndë në një prej galerive private të minierës.
Si pasojë i plagosuri është nisur menjëherë drejt spitalit të Traumës në Tiranë, me helikopter. I aksidentuar është identifikuar si Vaid Neziri, i cili punonte si minator. Gjatë punës, një masiv kromi është shkëputur duke e zënë poshtë.
Fillimisht i aksidentuari është pikasur nga kolegët e punës të cilët kanë bërë të mundur nxjerrjen nga fronti i punës, ku më pas është dërguar drejt spitalit të Bulqizës ku i është dhënë ndihma e parë.
