Kryeministri Edi Rama ka reaguar i nervozuar pasi vëllai i tij Olsi Rama u mor sot në pyetje nga SPAK në lidhje me dosjen Xibraka.
Në një reagim plot kunja dhe nëntekste në X, Rama përfundimisht pranon se SPAK-u do ta hetojë vëllain e tij, por Gazment Bardhi "do të duhet t’i gjejë vendin gishtit të akuzës që e ka mbajtur aq shumë në ajër".
Rama i fut një kunjë Bardhit kur i thotë se ky “është një tjetër kërcim i çingijes në prehërin e tutorit të ri lart në ballkon”, duke nënkuptuar dorën e Sali Berishës pas akuzave të Gazment Bardhit.
Kreu i qeverisë e ironizoi kreun e Grupit Parlamentar të PD-së Gazment Bardhin duke thënë se ai “kishte zbuluar një narkotrafikant në familjen time, që e kishte kallëzuar në SPAK dhe aq shumë e bëri ajrin vrimë me gisht sa e detyroi narkosin e kallëzuar, t’i bënte kallëzim për kallëzim të rremë”.
©Lapsi.al
