Mbrëmjen e së martës, skuadra zvicerane njohu kundërshtarin e saj për fazën e të 16-ave të Europianit. Ajo do të jetë Italia, e kualifikuar në sekondat e fundit të përballjes me Kroacinë. Logjikisht, ekspertët e skuadrës së Zvicrës duhet të ishin tani duke analizuar lojën e “axurrëve”.
Në fakt ata kanë probleme të tjera tashmë. Gazeta gjermane “BILD” zbuloi se mbrëmjen e së hënës, ndihmësit e trajnerit Murat Yakin kishin rënë pre e një vjedhjeje. Ata ndodheshin në hotelin e aeroportit të Dyseldorfit kur kishte ndodhur ngjarja.
“Mund të konfirmoj se 3 kompjuterë që u përkisnin punonjësve të ASF-së u vodhën nga hoteli dhe se policia u informua”, - konfirmoi për gazetën gjermane, Adrian Arnold, kreu i komunikimit të ekipit zviceran. Tek mediat zvicerane kanë nisur të shqetësohen nëse vjedhja e këtyre laptop-ëve mund të çojë në rrjedhje të të dhënave të skuadrës.
Adrian Arnold mundohet të qetësojë të gjithë: “Të dhënat nuk janë ato që na duhen për një analizë të ndeshjeve. Nëse ky ishte një sulm ndaj të dhënave të kombëtares zvicerane, ishte një sulm ndaj ekipit të gabuar” – tha ai. Gazeta “Bild” saktëson gjithashtu se kamerat e survejimit të hotelit kanë identifikuar një autor të dyshuar. Policia e Dyseldorfit është duke e hetuar ngjarjen. ©LAPSI.al
