Kanë mbetur në burg 3 persona në Vlorë që akuzohen se kanë rrahur një vajzë 29-vjeçare, e cila ishte edhe e sëmurë me epilepsi.
Babai, vëllai dhe i fejuari e kanë rrahur pastaj janë detyruar ta çojnë në spital, ku vajza ka treguar se është dhunuar duke vënë në lëvizje policinë. Shkak i dhunës dyshohet se është refuzimi i vajzës për t'u martuar me Armand Janka, 34 vjeç, njëri nga dhunuesit i lënë në arrest në burg, së bashku me babanë Astrit Bajrami, 60 vjeç dhe Erlind Bajrami, 26 vjeç, i vëllai.
Ajo u dhunua nga babai, vëllai dhe i fejuari i saj, pasi fejesa ishte bërë pa dëshirën e saj.
Rezistenca e saj solli jo vetëm dhunën nga i fejuari por dhe nga babai i saj Astrit Barjami dhe vëllai Erlind Barjami
Shërbimet e Komisariatit të Policisë Vlorë, pas marrjes së njoftimit për ngjarjen ndërhynë dhe parandaluan përshkallëzimin e dhunës.
3 burrat u vunë në pranga ndërsa vajza ndodhet në spital jashtë rrezikut për jetën.
Gjatë kontrollit në banesën ku ndodhi ngjarja, policia sekuestroi një armë gjahu dhe municion luftarak që i përkiste babait të vajzës, Astrit Barjami.
