Erion Braçe mendon se ligji për tatimin e profesioneve të lira nuk është i gabuar. Në "shpërthimin" e sotëm në Kuvend në një replikë me Jorida Tabakun nga opozita, Braçe tha se kush dëshiron le të largohet në Kosovë, nuk ka problem.
“Kush janë këta? Duan të ikin në Kosovë? Po patjetër të ikin, se ua mat kokën me pe ai atje matanë”, deklaroi Braçe duke iu referuar Albin Kurtit.
Ky ligj që rëndon barrën e të regjistruarve si profesionistë të lirë në Tatime, aktualisht është në Gjykatën Kushtetuese pas kallëzimit që ka bërë opozita. Vendimi final nuk është marrë ende. ©LAPSI.al
