Një ngjarje e pazakontë ka ndodhur mbrëmjen e kësaj të marte përpara Kryeministrisë. Një person është filmuar duke qëlluar me gurë hyrjen kryesore të Kryeministrinë.
Më pas shihet se kanë ndërhyrë forcat e Gardës së Republikës dhe policisë të cilat e kanë shtrirë atë në tokë duke i vënë prangat.
"Më datë 11.06.2024, rreth orës 22:40, në bulevardin “Dëshmorët e Kombit”, shtetasi U. K., 45 vjeç, (i cili dyshohet se vuan nga probleme të shëndetit mendor), duke qenë në gjendje të dehur, ka gjuajtur me gurë në drejtim të Kryeministrisë.
Shtetasi U. K., është shoqëruar në ambientet e Policisë dhe më pas në spital, ndërsa grupi hetimor po punon për sqarimin e rrethanave të rastit" - thuhet në njoftimin e policisë. ©LAPSI.al
