Exit poll-et për zgjedhjet në parlamentin europian janë shpallur para pak çastesh edhe në Greqi. Qendrat e votimit u mbyllën në orën 19:00 dhe sipas sondazheve do të ketë një fitore të partisë në pushtet “Demokracia e Re” të kryeministrit Kyriakos Mitsotakis duke lënë pas me një diferencë të madhe të majtët e SYRIZA të vendit të dytë .
“Demokracia e Re” e Mitsotakis ka marrë nga 27% deri në 31% të votave dhe pritet të zgjedhë 7 eurodeputetë. Pjesë e listave të kësaj force është edhe kryebashkiaku i zgjedhur i Himarës, Fredi Beleri, por do të kuptohet më vonë nëse ai është mes fituesve.
SYRIZA shkon nga 13.8% në 17.2% dhe mund të zgjedhë deri në 4 eurodeputetë. PASOK është në vend të tretë me 11.5% deri në 14.5% të votave me 3 eurodeputetë. Një vlerësim i parë i sigurt për rezultatin e zgjedhjeve europiane pritet pak pas orës 21:00 të natës. Deri në mesnatë do të kemi edhe rezultatet për preferencat. ©LAPSI.al
LEXO EDHE Dalin Exit Poll/ Humbje e rëndë për kancelarin Scolz në Gjermani
