Arrestohet nga Specialistët për Hetimin e Krimeve Ekonomike dhe Financiare 37-vjeçari i shpallur në kërkim në Shkodër. Mësohet se 37-vjeçari Ndriçim Ibraj është dënuar nga Gjykata e Apelit Tiranë me dy vite burg për veprën penale “Falsifikimi i vulave, stampave ose i formularëve”.
Me rastin do të merret për detaje të mëtejshme Prokuroria Shkodër.
Njoftimi i Policisë:
Specialistët për Hetimin e Krimeve Ekonomike dhe Financiare të DVP Shkodër ndaluan shtetasin e shpallur në kërkim
Ndriçim Ibraj, 37 vjeç, banues në Koplik, pasi Gjykata e Apelit, Tiranë, e ka dënuar me 2 vjet burgim, për veprën penale
“Falsifikimi i vulave, stampave ose i formularëve”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
