Një 45-vjeçar ka humbur jetën pasditen e kësaj të premte në Maliq, pasi ka rënë në kontakt me rrymën elektrike. Mësohet se 45-vjeçari i identifikuar si Leonard Ymeri ka qënë duke punuar në çatinë e një magazine, kur ka rënë në kontakt me energjinë elektrike.
Ai është nisur drejt spitalit, por fatkeqësisht nuk ka mundur të mbijetojë. Lidhur me ngjarjen mësohet se është shoqëruar pronari i magazinës ku ishte i punësuar Ymeri. Sakaq pritet një reagim nga ana e Policië për zbardhjen e plotë të rrethanave të ngjarjes.
