Shkak për rrahjen e avokatit Sokol Mëngjesi është bërë një gjyq pronash dhe pakënaqësitë e njërës palë për punën e tij. Drejtori i policisë së Tiranës, Tonin Vocaj në konferencë për median deklaroi se avokati është goditur për shkak të detyrës. "Avokati ka përfaqësuar në një proces civil ligjërisht në shkallë të parë dhe në apel, një familje e cila kishte të trashëguar një pronë në Tiranë, proces që është fituar nga pala e përfaqësuar prej tij. Disa nga trashëgimtarët nuk kanë pranuar të plotësojnë kushtet ligjore të kontratës me studion ligjore "Alterum shpk". është shoqëruar Dritan Nano, i cili u ndalua si organizator i ngjarjes kriminale" tha Vocaj.
Sipas Vocajt është vetëdorëzuar Dorian Aliaj, njëri prej 4 autorëve të sulmit ndaj avokatit Skënder Mëngjesi. Ndërkohë tre të tjerë janë shpallur në kërkim.
“Autorët nuk janë të paguar por janë në lidhje krushqie me njëri tjetrin.... Janë takuar një muaj më para para se të ndodhte ngjarja dhe janë konsultuar për ngjarjen" tha Vocaj. Policia ka vënë në dispozicion të qytetarëve shumën prej 20 mijë euro për këdo që jep informacione në lidhje me personat e shpallur në kërkim.
