Mbahet sot në orën 11:00 protesta e tetë para bashkisë së Tiranës e thirrur nga Aleanca për Teatrin dhe Opozita në lidhje me dosjen “5D”. Skandalet e mëdha që çuan në arrestimin e një numri të madh drejtorësh të bashkisë së Tiranë kanë sjellë edhe reagimin e banorëve të kryeqytetit, por jo vetëm.
Ndërkohë çdo ditë opozita dhe media denoncojnë skandale të tjera të vjedhjeve të pandalura nga drejtorët e bashkisë Tiranë të parave publike.
Në terren shihen forca të shtuara policore të cilat do të sigurojnë mbarëvajtjen e protestës. Pranë bashkisë shihen edhe autobote, të cilat mund të përdoren në rast se tensionet shtohen.
Protestat e shkuara ishin të tensionuara, me hedhjen e molotovëve drejt godinës së bashkisë dhe përpjekje për të shkulur gardhin metalik të vendosur rreth bashkisë, gardh i cili ka qenë çdo protestë e më i përforcuar.
