Pas 11 vitesh në pushtet, kryeministri Edi Rama ka ngritur sot flamurin e antikorrupsionit duke u mburrur për arrestimet e SPAK në radhët e mazhorancës. Duket se dosjet e korrupsionit dhe dënimet në Gjykatën Speciale do të jenë kuajt e betejës për zgjedhjet e ardhshme parlamentare dhe Rama ka mbajtur sot fjalimin hapës të fushatës, ku nuk ka kursyer ish-ministrat e qeverisë dhe ish-drejtorët e bashkisë së Tiranës.
"Kush tradhton besimtarët e thjeshtë, kush i tradhton njerëzit e zakonshëm, që secili në këtë sallë i kanë dhënë mandatin e jetës, në parlament apo qeveri, deputet apo ministër, nuk është i yni dhe nuk ka asjë punë me ne.
Nëse fut duart në arkën e shtetit dhe në xhepat e popullit nuk është ne, nuk ka se si të jetë ne dhe nuk ka çfarë kërkon tjetër nga ne veçse përbuzjes.
Është një tradhtar i dyfishtë i popullit shqiptar, por edhe i PS, si një parazit. Kur një parazit zbulohet nga drejtësia e hidhur është që e kishim mes nesh, por lajmi që u zbulua.
Vjen njësoj si tek ju dhe tek unë helmi që hidhet, siç hidheshin minjtë për të helmuar kështjellën.
Cilido që privilegjin për t’i shërbyer këtij vendi e përdor për t’i vjedhur këtij shteti, i dëgjoj kur bërtasin hajdutët e Edi Ramës, ia kapën një drejtor a kryetar bashkie, apo një përgjegjës drejtorie dhe nuk pushojnë. Në shoqërinë ku jetojmë individi është sovran" u shpreh Rama.
