Mediat italiane vijojnë t’i kushtojnë vëmendje përplasjes së kryeministrit shqiptar Edi Rama me transmetuesin publik RAI. Gazeta “Il Giornale” raporton se kreu i qeverisë shqiptare është duke negociuar me drejtuesit e RAI për një intervistë “shpaguese” pas emisionit “Report” të RAI TRE të së dielës së kaluar.
Sipas të njëjtave burime negociatat janë duke vijuar intensivisht. “Mes palëve ka pasur komunikime “shumë të përzemërta”. Nëse arrihet një marrëveshje, intervista mund të zhvillohet që në episodin e së dielës së ardhshme” – shkruan “Il Giornale”.
Gazeta nënvizon edhe kërkesën e bërë publike tashmë nga kryeministri Edi Rama që intervista të jete LIVE pasi ai ka akuzuar drejtuesit e RAI 3 për censurë në emisionin e kaluar. ©LAPSI.al
LEXO EDHE: Profil/ Kush është gazetari i RAI që nervozoi Ramën dhe lidhja e vjetër me Shqipërinë
