Ndërsa në Tiranë mbahen protesta për shkarkimin e tij pas skandalit me kompaninë "5D", në Bujanoc, Erion Veliajn i zyrtarizojnë me titullin “Qytetar Nderi”. Vendimi është marrë nga Kuvendi Komunal i Bujanocit.
Me 24 vota pro, këshilltarët kanë dhënë pëlqimin për nderimin e kryebashkiakut Veliaj në shenjë falënderimi për mbështetjen në përmirësimin e kushteve infrastrukturore të shqiptarëve në këtë zonë.
Më herët, Veliaj është shpallur “Qytetar Nderi” edhe nga Kuvendi Komunal i Preshevës. Krahas shkollës “Naim Frashëri” në Bujanoc, Bashkia e Tiranës ka kontribuar edhe për financimin e përmirësimit të kushteve infrastrukturore në shkollën “Dituria” në Komunën e Preshevës.
Në vitin 2021, Këshilli Bashkiak i Tiranës ofroi ndihmë financiare për Komunën e Preshevës me qëllim lehtësimin e pasojave të dëmeve të shkaktuara nga përmbytjet masive.
Sido që të jetë, tituj të tilla që në shumicën e rasteve janë qoka të ndërsjellta, nuk e shpëlajnë dot imazhin e Erion Veliajt si kupola një çete hajdutësh në Bashkinë Tiranë. ©LAPSI.al
