Presidenti turk, Rexhep Tajip Erdogan ka zhvilluar sot një takim me liderin e Hamasit, Ismail Haniyeh. Gjatë takimit të tij me udhëheqësin politik të Hamasit në Ankara, Erdogan tha se "një ditë Izraeli do të paguajë çmimin për shtypjen që u bën palestinezëve".
“Përgjigja e fuqishme ndaj Izraelit dhe rruga drejt fitores varen nga uniteti dhe integriteti”, tha Erdogan, sipas njoftimit për mediat.
Raportohet se gjatë takimit u diskutua në lidhje me sulmet izraelite në tokat palestineze, veçanërisht në Gaza, sigurimi i furnizimit të pandërprerë të ndihmës humanitare në Gaza dhe arritjen e një procesi paqeje të drejtë e të qëndrueshme në zonë.
Ministri i Jashtëm i Izraelit, Israel Katz, ka dënuar takimin mes presidentit turk dhe shefit të Hamasi.
"Vëllazëria Myslimane: përdhunime, vrasje, përdhosje të kufomave dhe fëmijëve të djegur. Turp për Erdogan!", shkruan në rrjetin social “X” ministri i Jashtëm i Izraelit.
