Ilir Meta ka folur për tradhti në eksponentët drejtues të partisë së tij, por nuk ka dhënë emra. Gjatë një interviste në emisionin “Opinion”, Meta tha se “Partia e Lirisë” ka pasur një organizim të çorganizuar, sipas tij të qëllimshëm. Ai tha se tradhtarin e përdorin të gjithë, por refuzoi të japë emra.
“Tradhtia jo vetëm që ka emër, por tradhtarin e përdorin të gjithë dhe askush nuk e do. Në fund fare është një qenie e pështirë. Mbetet për t’i lënë kohës kohën e vet”, - tha Meta.
Ai tha se në parti do të ketë një reformim për të thellë për të luftuar nepotizmin. “Monika është një deputete dhe anëtare e kryesisë së partisë. Unë shkova në Fier dhe e ftova, por ajo nuk erdhi. Kishte angazhime të tjera” – tha Meta.
Ai tha se Kryemadhi kishte bërë jë gabim të madh me djegien e mandateve të fituara me “gjak dhe sakrifica” siç e ka quajtur ai.
“Vajta në Lezhë dhe më ndiqnin bandita, në Berat më rrëmbyen çunin 17 vjeç, ma rrëmbyen bandat e Beratit, u shkova atje në fole ku e kishin ata dhe e liruan. Vajta në Fier i ranë çunit 17 vjeç me lopatë në kurriz ata. Ato mandate u morën me gjak dhe me sakrifica” – tha Meta.
Ai tha se në parti kishte gjetur një çorganizim të organizuar dhe se “Partia e Lirisë” ishte lënë 6 muaj pa roje nate. Meta hodhi dyshime se në selinë e partisë ishin vënë përgjues.
Meta pranoi se kishte larguar shoqëruesit e Gardës së Republikës që sipas tij nuk ishin treguar konfidencialë për takimet që ai zhvillonte. ©LAPSI.al
