Ka dalë nga ambientet e SPAK nëna e deputetes Monika Kryemadhi. Fatime Kryemadhi është pyetur për pallatin dhe pasurinë që disponon.
Zonja Kryemadhi ka deklaruar se të gjitha transaksionet janë kryer me bankë, duke mos u kursyer edhe me një "kunjë" për mazhorancën, e cila ka tashmë në duar skandalin e kompanisë "5D".
Ajo theksoi se kjo punë ka nisur që në momentin që vajza e saj nisi të merrej me djegësat.
E pyetur nëse mbesat e saj janë marrë në pyetje, Fatimja tha "jo", duke shtuar se këta të fundit nuk kanë pse të pyeten, pasi ka qenë ajo që e ka ndihmuar vajzën e saj.
Deklarata pas daljen nga SPAK:
Cfarë ju pyetën?
Unë jam mamaja e Monikës. Jam krenare për vajzën që kam edhe sëe mohoj. Edi pse ka nisur kjo punë. Që kur filloi të merret me djegësat ajo, këto filluan. Një lutje kam për gazetarët, mos shkruani cfarë u thonë njerëzit që blihen, ose që bëjnë luftë politike. Verifikoni çfarë shkruani. Unë i sqarova të gjithë gjërat e mia.
Më pyetën për çështjen e blerjes së shtëpisë, unë nuk isha pa shtëpi, unë kam punuar gjithë jetën.
Dhatë sqarime për pronat?
Po për pronën time. Me shpinë që kam. Unë s’kam qenë pa punë, se këta më paskan nxjerrë se e paskam blerë shtëpinë me 160 mijë lekë pension.
Jua sekuesrtruan celularin?
Po çfarë ka celulari. Ka naj gjë të veçantë? As kam bërë tendera, as djegësa, as 5D, as 7D.
Vajzat e Monikës i kanë pyetur?
Jo dhe s’kanë pse pyetën se ato i kam mbuluar unë. Unë kam pallatin që kam bo. Me shpenzimet e mia në tokën që me ka lënë burri, qe kemi punu bashkë.
Keni ndihmuar vajzën?
Po normal. Po për fmitë i kam lekët unë, pse për kë i kam. I kam të gjitha me bankë, shkoni shifini.
