Erion Veliaj ka reaguar në lidhje me protestën e zhvilluar këtë të enjte (11 prill) para Bashkisë së Tiranës, e cila ishte thirrur nga opozita.
Kryebashkiaku i Tiranës ka publikuar një video të shpërthimit të molotovëve, ndërsa thotë se ka problem të protestosh dhe kur je pinjoll i Saliut e Fahriut që e dogjën këtë vend.
Ndër të tjera ai shkruan se skenat e ’97 nuk kanë vend në Tiranën e 2024-ës.
Reagimi i Veliajt:
Asllan Shyti shmangu djegien e kolegëve e të vetes! As e njoh, as më njeh. Shkoi në punë me kolegët e policisë jashtë, si kolegët e bashkisë brenda!
Nuk ka problem të protestosh dhe kur je pinjoll i Saliut e Fahriut që e dogjën këtë vend! E drejta jote!
Por ka shumë problem kur kërkon të vazhdosh të djegësh për të kompesuar votat e protestuesit që s’të mbështesin.
Në Bashki punojnë njerëz që nga koha e Kelmendit e Brojkës. Policët gjithashtu kanë qenë e do jenë të shtetit. Skenat e ’97 nuk kanë vend në Tiranën e 2024-ës!
Asllanin e shokët i ruajti Zoti me atë reagim! Mirënjohje të gjithëve!
