Dy persona janë arrestuar dhe 4 të tjerë janë në hetim nga policia e Tiranës pasi u kapën teksa vinin baste sportive. Blutë njoftojnë se në pranga kanë rënë E. R., 31 vjeç, dhe R. M., 40 vjeç, banues në Tiranë. Ndërkohë ka nisur hetimi në gjendje të lirë për: Gj. D., 60 vjeç, A. A., 40 vjeç, A. E., 47 vjeç, R. Ç., 23 vjeç.
Ata u pikasën si rrjedhojë e operacionit policor “Vakum”, ku u kryen kontrolle në disa subjekte në kryeqytet. Në telefonat e personave të arrestuar dhe të vënë nën hetim, u gjetën faqe dhe linqe që shërbenin për vënien e basteve sportive. Në cilësinë e provës materiale, u sekuestruan 5 celularë.
