Një video e re tronditëse vjen nga SHBA dhe që tregon brutalitetin e një patrulle të policisë së Çikagos që është vënë sërish në vorbullën e polemikave.
Gjatë një kontrolli në rrugë, oficerët me rroba civile kanë vrarë një 26-vjeçar afrikano-amerikan. Dexter Reed u qëllua me 96 plumba në 42 sekonda. Pamjet janë marrë nga kamera e trupit të një polici. Gjarja ka ndodhur në 21 mars dhe janë publikuar këtë të mërkurë.
Dexter Reed u ndalua sepse po udhëtonte pa rrip sigurimi. Policia ka hapur zjarr pasi 26-vjeçari, sipas versionit zyrtar, ka refuzuar të dalë nga automjeti dhe ka qëlluar i pari duke plagosur një efektiv.
Videot e publikuara në internet nga policia e Çikagos tregojnë këndvështrime të ndryshme, përfshirë edhe atë të oficerëve që qëlluan. Megjithatë, nuk ka imazhe të qarta që të tregojnë Reed duke hapur zjarr.
Një pistoletë u gjet më vonë në sediljen e pasagjerit të makinës së Reed. ©LAPSI.al
