Kathleen Turner ishte një e panjohur duke ecur në qendër të Manhattan të Nju Jorkut në fillim të kësaj jave. Duke u munduar të lëvizë me një bastun, 69-vjeçarja është një nga ikonat e Hollywood që tashmë po kalon kohë të vështira.
Janë 5 muaj pas daljes së saj të fundit publike, në një shfaqje të Bradley Cooper në Manhattan. Këtë herë, ajo kishte veshur një pardesy të gjatë e të errët, pantallona të zeza dhe atlete të zeza.
Turner, emri i plotë i së cilës është Mary Kathleen Turner ishte një yll i madh filmash në vitet 1980 dhe 1990. Ajo u shfaqur përkrah aktorëve si Michael Douglas dhe Danny DeVito.
Në vitin 2021, ylli i filmit "Undercover Blues" rrëfeu për herë të parë se si ishte dashuruar me Douglas kur të dy luajtën në filmin "Romancing the Stone" dhe në "Xhevahiri i Nilit". Douglas është i martuar me Catherine Zeta-Jones, me të cilën ka dy fëmijë.
“Oh, kisha dëshirë të madhe, por ai ishte ende i martuar [me gruan e parë Diandra Luker]... edhe pse ata jetonin të ndarë. Kështu mendova se kishte shpresë edhe për mua”, tha në atë kohë Turner për revistën “People”. Më pas, ajo pranoi se edhe pse kishte “tension seksual” mes të dyve, nuk kishte asnjë shans që një romancë mes tyre të funksiononte. E njohur për filmat e saj me Douglas në vitet '90 dhe 2000,
Turner jeton tashmë në Nju Jork si një grua beqare. Ajo u divorcua nga bashkëshorti i saj Jay Weiss, një manjat i pasurive të patundshme në vitin 2007, 20 vjet pasi çifti solli në jetë vajzën e tyre të vetme, këngëtaren 36-vjeçare Rachel Ann Weiss. Dyshja u divorcuan pas 23 vitesh, por ylli i filmit “Lufta e trëndafilave” tha se kishin mbetur miq të mirë. ©LAPSI.al
