“Mund të më filmoni edhe në plan amerikan, pra më afër”, - tha prezantuesja duke iu kthyer kameramanit, “duhet ta dini që nga dje e kam gjysmën e fytyrës të bllokuar”. Ventura shpjegoi se çfarë i kishte ndodhur: “Nuk është asgjë e veçantë, është një ftohje. Jam duke u trajtuar”. Më pas bëri edhe një shpjegim në rrjetet sociale.
“Kjo është gjë që ndodh. E rëndësishme është që është absolutisht kalimtare. Mos u dorëzoni kurrë”. Paola Perego, bashkë-prezantuese e programit dhe mike e Venturës, shtoi drejtpërdrejt: "Ti je e bukur gjithsesi".
Simona Ventura kishte shqetësuar fansat me videon e publikuar në profilet e saj sociale para fillimit të emisionit. Prezantuesja u shfaq duke kërcyer në korridorin përgjatë dhomave të zhveshjes dhe ata që ishin më të vëmendshëm vunë re diçka të pazakontë në fytyrën e saj.
Nuk kuptohej pse nuk lëvizte dot një pjesë të saj. Kështu, disa përdorues kishin komentuar duke pyetur veten se çfarë i kishte ndodhur, duke hedhur hipotezën e një paralize të fytyrës, por pa pasur konfirmim. Më pas u sqarua çdo gjë. ©LAPSI.alView this post on Instagram
