Gazetari Furkan Saliu dha detaje rreth ngjarjes së ditës së sotme ku është qëlluar me armë ndaj kryekomunarit të Haraçinës, Ridvan Ibrahimi.
“Është një problem që ka zgjatur gjatë mes familjes së personit që qëlloi me armë zjarri ndaj ekipit të kryetarit të komunës dhe vetë komunës e cila po kërkon të ndërrojë një stadium në një parcelë që është në pronësi të shtetit.
Probleme ka pasur edhe më herët, por jo fizike, deri ditën e sotme kur ndodhi dhe sulmi me armë zjarri.
Nuk është sulmuar makina por është sulmuar në rrugën kryesore të komunës kryetari i cili kishte dalë në inspektim për të parë se si po shkonin punimet së bashku me ekipin e tij.
Nga ngjarja janë plagosur dy persona. Njëri është në një gjendje më të lehtë, ndërsa tjetri është në operim dhe flitet se ka dëmtim në mushkëri”,-tha gazetari në Euronews Albania.
